سوامی اگنی ویش پر حملہ  قابل مذمت اور ہندستانی اقدار کو داغدار کرنے والاعمل 

0
637
All kind of website designing

نئی دہلی:۱۷؍جولائی  :جمعیۃ علماء ہند کے جنرل سکریٹری مولانا محمود مدنی نے مشہور سماجی کارکن و آریہ سماجی رہ نماسوامی اگنی ویش پر پاکور جھارکھنڈ میں ہوئے حملے کی سخت الفاظ میں مذمت کی ہے ۔ مولانا مدنی نے کہا کہ بھیڑ بنا کر جس طرح سے شد ت پسند اور غیر سماجی عناصر نے 80سال کے اس ہندو مذہبی رہ نما پرحملہ کیا، ان کے کپڑے پھاڑے ، مارا پیٹا وہ انتہائی تکلیف دہ ہونے کے ساتھ ہندستانی تہذیب اور اس کی سنسکرتی کو داغدار کرنے  والاعمل  ہے ۔انھوں نے کہا کہ ایک معمر مذہبی رہ نما کی عدم توقیر ی اور بے عزتی یہ ظاہر کرتا ہے کہ ملک میں اشتعال انگیزی اور عدم برداشت کا ماحول کس قدر خراب ہو تا جارہا ہے ۔
مولانا مدنی نے کہا کہ حال ہی میں سپریم کورٹ نے قاتل ہجومی عناصر پر گرفت کرنے کی ہدایت دی ہے، مگر اس کے باوجود اس طرح کے حملے آئے دن بڑھتے جارہے ہیں ۔انھوں نے اس بات پر زور دیا کہ وقت آگیا ہے کہ نفرت پھیلانے والے عناصر کے خلاف بلاتفریق مذہب مشترکہ طور سے جد وجہد کی جائے اور ملک کی اقدار و روایات کو پامال ہو نے سے بچایا جائے ۔

نیا سویرا لائیو کی تمام خبریں WhatsApp پر پڑھنے کے لئے نیا سویرا لائیو گروپ میں شامل ہوں

شیر
گزشتہ مضمونحج کی فضیلتوں کا بیان
اگلا مضمون

تبصرہ کریں

Please enter your comment!
Please enter your name here